Тұлғаның әлеуметтік мәдениетін дамытудың теориялық моделі: отбасы, білім және қоғамның интеграциясы
DOI:
https://doi.org/10.32523/3080-1710-2025-153-4-193-207Кілт сөздер:
әлеуметтік педагогика, әлеуметтік мәдениет, педагогикалық модель, әлеуметтік құндылықтар, тұлғаның әлеуметтенуі, әлеуметтік институтАңдатпа
Мақалада тұлғаның әлеуметтік мәдениетін қалыптастыру үдерісі отбасымен, білім беру мекемелерімен және әлеуметтік ортамен өзара әрекеттесетін күрделі педагогикалық құбылыс ретінде қарастырылады. Теориялық талдау мен эмпирикалық зерттеулер негізінде автор негізгі әлеуметтік құндылықтарды, сондай-ақ негізгі механизмдерді көрсететін үш деңгейлі модельді ұсынып отыр. Модель азаматтық жауапкершіліктің, құрметтің, төзімділіктің, әдептіліктің қалыптасуына бағытталған педагогикалық әдістер жүйесін қамтиды. Зерттеуде отбасылық тәрбиенің, білім беру процесінің және қоғамның бір-бірімен байланысты факторлар рөліне басты назар аударылады. Зерттеу нәтижелері отбасы мен білім беру мекемелерінің, сондай-ақ әлеуметтік ортаның тұлғаның азаматтық жауапкершілігі мен құндылықтар жүйесін дамытудағы маңыздылығын көрсетті. Зерттеудің ғылыми жаңашылдығы үш әлеуметтік деңгейдің жүйелі интеграциясымен және әлеуметтік мәдениетті қалыптастыруға ықпал ететін педагогикалық жағдайларды негіздеумен анықталады. Ұсынылған модельдің практикалық маңызы мектептерде, жоғары оқу орындарында және жастар ұйымдарында тәрбие жұмысының жоспарлануына қолданылуымен көрсетіледі.
