Өзбекәлі Жәнібектің азаматтық, саяси және рухани өнегесін оқытудың мақсаты, міндеттері мен әдістемесі

Аңдатпа

Өзбекәлі Жәнібек  қазақ халқының тарихындағы аса көрнекті тұлғалардың бірі, қоғам қайраткері, ғалым және руханияттың жарқын өкілі. Бұл мақалада оның азаматтық  ұстанымдары, саяси көзқарастары мен рухани құндылықтары талданып, оларды білім беру саласында оқытудың тиімді әдістері қарастырылады. Бұл ғылыми мақаланың  негізгі мақсаты – Өзбекәлі Жәнібек тағылымы арқылы жас ұрпақтың патриоттық, саяси және мәдени санасын қалыптастыру. Бұл жұмыста тарихи деректер мен ғылыми талдауларға сүйене отырып, оның еңбектерін оқытудың әдістемелік негіздері ұсынылады. Әдіснамалық бөлімде мазмұнды талдау, салыстырмалы зерттеу және педагогикалық әдістері қолданылады. Алынған нәтижелер Ө.Жәнібектің идеяларының қазіргі қоғамдағы рөлін ашып көрсетіп, білім беру бағдарламаларына интеграциялау мүмкіндіктерін анықтайды. Зерттеу нәтижелері білім беру саласындағы тұлғалық-бағдарлы оқыту тұжырымдамасын дамытуға негіз болады. Сонымен қатар, саяси және мәдени тұрғыдан Ө.Жәнібектің еңбектері мен қызметі арқылы адамгершілік құндылықтарды дамыту ұсынылады. Жұмыста оқытудың тиімді әдістері мен тәсілдері ұсынылып, оларды білім беру процесінде қолдану жолдары талданады. Жұмыстың нәтижелері Өзбекәлі Жәнібек мұраларының жас ұрпақтың рухани, саяси және азаматтық сана-сезімін қалыптастырудағы маңызды рөлін дәлелдейді. Бұл мақала білім беру бағдарламаларын тұлғалық-бағдарлы дамытуға үлес қосады.