Мәдениетаралық шет тілдердің қатынасын тандем әдісі арқылы ұйымдастыру

Аңдатпа

Тілдік және мәдениетаралық құзіреттілікке қойылатын талаптар мен нақты оқу жағдайлары арасындағы алшақтық Қазақстандағы қазіргі жоғары шет тілінде білім берудің өзекті мәселелерінің бірі болып табылады. Нақты бір шет тілде сөйлейтіндермен тұрақты тілдік тәжірибе болмайынша шет тілдерін үйрену мен оны өмірде пайдалану айтарлықтай қиындық туындатады. Бұл зерттеу табиғи тілдік ортаны құру және студенттердің мәдениетаралық коммуникативтік құзіреттілігін арттыру үшін шет тілдерін оқытудың тандемдік әдісінің әлеуетін ашады. Бұл зерттеудің мақсаты – лингвомәдени және әлеуметтік-мәдени орта болмаған жағдайда, тандем әдісін қолдана отырып, студенттердің тілдік, академиялық және мәдениетаралық дағдыларын дамыту мақсатында мәдениетаралық шет тілі қарым-қатынасына мүмкіндіктер жасау туралы құнды ақпарат беру. Бұл мақалада әл-Фараби атындағы ҚазҰУ-дың зерттеу тобы әзірлеген «Тіл тандемі» платформасы берілген, сондай-ақ жергілікті және шетелдік студенттердің қатысуымен тандем әдісін енгізудің мәселелері мен жетістіктері көрсетілді. Нәтижелерге қарағанда, оқытылатын тілде сөйлейтін адаммен мәдениетаралық өзара әрекеттесу мүмкіндігі студенттер арасында үлкен қызығушылық тудырғанын көреміз. Студенттер тандем әдісіне және оның коммуникативті және мәдениетаралық дағдыларды дамытуға тиімді әсері бар деп оң баға берді. Мәдениетаралық қарым-қатынас дағдыларын жетілдірумен қатар, тандемдік тренинг бастамашылық пен тәуелсіздікті, жауапкершілікті, сыни ойлау мен  проблемаларды шешу дағдыларын дамытады. Оқу үдерісіне тандемдік оқытуды енгізу мәдениетаралық диалогқа дайын тілдік тұлғаны қалыптастыруға мүмкіндік береді. Зерттеу нәтижелері шетел студенттерімен жұмыс істейтін жоғары оқу орындарының шет тілі оқытушылары мен қызметкерлеріне пайдалы болады.