PISA халықаралық бағалау зерттеуіне Өзбекстан мен Қазақстанның қатысуын талдау
DOI:
https://doi.org/10.32523/3080-1710-2025-151-2-195-211Кілт сөздер:
PISA, OECD, Қазақстан, Өзбекстан, оқу, математика, жаратылыстану, шығармашылық, білім беру реформалары, жалпы орта білім, халықаралық бағалауАңдатпа
Бұл мақала Орталық Азияның екі елі PISA халықаралық бағалау зерттеуіне қатысуын талдауға арналған. Қазақстан мен Өзбекстан тәуелсіздік алғаннан кейін білім беру жүйесіне шетелдік тәжірибені жаңғырту мен енгізуді қолға алғанын ескерген жөн. Екі ел де өз реформаларының нәтижелерін бағалау үшін жалпы орта білім беру жүйесін бағалауы керек еді. Қазақстан 2009 жылы PISA-ға қатысу арқылы алғашқы қадамын жасады. Өзбекстан PISA-2022 зерттеуіне алғаш рет ғана қатыса бастады. Екі елдің құжаттарын жүйелі талдау олардың алдағы уақытта бұл зерттеуде жоғары нәтижелерге қол жеткізуді жоспарлағанын көрсетеді. PISA-2022 нәтижелері бойынша екі елдің салыстырмалы талдауы және олардың бұл халықаралық зерттеуге дайындық деңгейі білім беру жүйесіндегі мәселелерді анықтауға мүмкіндік берді. Бұл мақалада екі елдің нәтижелеріне ықпал еткен факторлар да зерттелді. PISA-2022 зерттеуі туралы OECDжасаған есептерді талдау кейбір қорытындыларға келуге көмектесті. Тарихи шолу арқылы посткеңестік елдердегі жалпы орта білім беру мәселелерінің шешімін табу осы мақаланың негізгі мақсаттарының бірі болып табылады.
